Transcription
1
Monseigneur, je receus dernierement votre lettre dattée du sixiesme de ce moys feysant
2
mention du sire Anthoine Manuel, suyvant laquelle je trevalhe tant que je
3
puis pour le solager. Au surplus, jey faict quelques advertissementz avecq le procureur
4
du roy que me semble estre bon mander à la cour pour le premier pacquet
5
pource que concerne le faict du sel ; et jey veu lettres de la cour
6
contenentz que le roy mande sabas par tout ce pays monsieur de
7
Moncal pour donner reglement au faict du sel ; et oultre ce, vous
8
advertis que le seigneur de Montbrun faict paier à chesque viage passant sur
9
la rivière du Rosne quatre livres pour muy, quest ung grand
10
suscide duquel ilz pourroyent faire grand force contre sa magesté et ce
11
fortiffient journellement des soldatz quatholiques que se retirent
12
à luy, sentens plus davantaige à le servir que à servir
13
le roy.
14
Jey escript deux lettres. Lune à mon seigneur de Valence ; et laultre à
15
mon seigneur de La Garde. Le tout pour le faict duquel ledit seigneur de La
16
Garde me parla à Valence en votre presence et luy promistes
17
de luy faire tenir les lettres que je en escripvoys, vous priant ne tenir
18
pas pour inportunité si je les metz dans le present pacquet ; que
19
sera lendroyt auquel vous presenterey mes humbles et très afectionnées
20
recomandations, priant le Createur,
21
mon seigneur vous doinct en joye et santé le comble de vous
22
très nobles et heureux desirs. A votre ville de Montelh[ima]r,
23
ce XIIe de fevrier 1574.
24
Votre humble et très hobeyssant
25
serviteur
26
Andrieu de Exea viseneschal